IKT on ekimenaren helburua

Hezkuntzaren kalitatearen bidelagun izatea da. Hori lortzeko, 5 dira proiektuaren giltzarriak.
Hezkuntza

Ikasleen jomuga premia berriei aurre egiten ikastea da. Irakasleon erronka ikasleen gaitasunak garatzen laguntzea.

Gaitasun Digitala

Gaitasun digitala garatzeko, IKTak modu eraginkorrean erabili behar dira: eguneroko egoeretan, praktikotasunez.

IKT

Hezkuntza arloan, askotan, IKTak maila instrumentalean lantzen dira, gailuei garrantzia handiagoa emanez. Horri aurre egiteko, formazioa beharrezkoa da.

Formazioa

Irakasleok IKT formazioa behar dugu: IKTen erabilera pedagogikoa sustatzen lagunduko digun formazioa.

Pedagogia

Gure formazioaren arima pedagogikoa da; izan ere, IKTen jakintza instrumentaletik harago joan behar dugu.

Gure eskaintza

Gure eskaintza zure beharrei egokituko dugu. Horretarako, hiru arlo hartzen ditugu kontuan.

Nortzuk gara?

Ezagutu IKT on-eko partaideak
Josune Aranguren
Josune Aranguren
Zuzenbide Ekonomikoan lizentziatua (2005). Enpresa pribatuan kalitate eta erosketa kudeatzaile izan da ikasketak hasi zituenetik oraintsu arte. Hizkuntzan eta euskal literaturan zuen interesak Idazle Eskolako Graduondokoa egitera eraman zuen (2008). Enpresak kudeatzeko baliabide digitalak ezagutzeko asmoz unibertsitatera itzuli zen eta Enpresa Kudeaketan masterduna (2014) da. Euskara, hezkuntza eta IKTak sortzen dioten jakin-minak eta berezko duen ezinegonak bultzatu dute IKT on ko-sortzera.
Izaro Arbizu
Izaro Arbizu
Aplikazio informatiko garatzailea (2005), HTML5 eta CSS3-n aditua (2014), Lehen hezkuntzako irakasle graduatua (2015). Lan munduan hainbat lanetan ibilia da: administrazio eta hezkuntza-lanetan aritu da. Hezkuntzarekin zerikusia dutenen artean, dinamizatzailea eta irakaslea izandakoa da. IKTek hezkuntzarengan duten eragin positiboan sinisten du, eta hauek hezkuntzan nola integratu ikertzen ari da, irakasleei formazio egokia eskaintzeko.
Amaia Arroyo
Amaia Arroyo
Hezkuntza Bereziko Magisteritzan diplomatua (2004), IKTak formazioan aplikatuta masterduna (2006), Komunikazio eta Hezkuntza Sarean masterduna (2012), eta Komunikazioan eta Hezkuntzan doktorea (2017): konpetentzia digitala, NIA eta EIA dira bere ikerlerroak. Hainbat zereginetan ibili izan da: irakasle, aholkulari, editore, ikasmaterial-egile… baina teknologia digitalaren ikuspegi pedagogikoa da bere interesgunea, eta zeregin guztietan ardatz horri eusten saiatzen da.

NOREKIN EGITEN DUGU LAN?

Azken idatziak

Kontaktua

Gurekin harremanetan jartzeko, ondorengo formularioa bete dezakezu.

15/1999 Datu Pertsonalak Babesteko Legea betetzeko jakinarazten dizugu zuk emandako datu pertsonalak IKTon fitxategi automatizatu batean sartuko direla. Datuak ikusi, zuzendu, ezabatu eta haiei aurka egiteko eskubideak erabili nahi badituzu, idatz ezazu e_mail honetara: kaixo@ikton.eus.